په فلسطین کې داسراییلو وروستیو ظلمونو د مسلمانانو غوسه پارولې ده

 په اردن کې د اسراییلو په سفارت  په برید کې  د ډزو له امله یو کس مړ او یو ژوبل شو.

د ډان نیوز د راپور له مخې وژل شوی کس د  اردن ښاري دی او ژوبل هم اسراییلی دی.

 له دغه پیښې وروسته  په اردن کې د اسراییلو سفارت وتړل شو. او د  اردن پولیسو د لارو له بندولو وروسته عملیات پیل کړل .

د اسراییلو له خوا  په بیت المقدس کې د مسلمانانو په خلاف له حملو او پابندیو وروسته په اسلامي نړۍ کې د صهیونسټ رژیم په خلاف احساسات را پاریدلې دي.   د اسراییلي ځواکونو له خوا  تیره اونۍ په مسجد الاقصی په برید کې د دغه جومات د امام په شمول څوارلس کسان ژوبل شوې وو.