د سیمې لپاره د امریکې او اسرائیلو دسیسې ماتې خوړلې ده
د یمن د انصار ا... غورځنګ عمومي منشي ټنیګار وکړ چې په سوریې، عراق، لبنان او یمن کښې مقاومت د سیمې لپاره د امریکې او صهیونیسټ رژیم طرحه ناکامه کړه.
عبدالملک الحوثي پرون مازیګر وویل: امریکا او اسرائیل د سیمې د هیوادونو د کمزورې کولو او ورباندې د سلطې په لټه کښې وو خو په سوریې، عراق، لبنان او یمن کښې مقاومت د واشنګټن او صهیونیسټي رژیم د دې طرحې د ماتې سبب شو.
د یمن د انصار ا... غورځنګ عمومي منشي پر خپل هیواد د سعودي عربستان تیري ته هم اشاره وکړه او ویې ویل: په سیمه کښې له ماتو خوړلو سره سره د ریاض د حکومت عقل لا ځاې ته نه دی راغلی.
هغه زیاته کړه چې عربستان غواړي په عراق، سوریې او لبنان کښې خپل ماتې په یمن کښې جبیره کړي.
هغه خبرداری ورکړ چې پر یمن د سعودي عربستان د تیریو د مخنیوي لپاره ممکنه ده د یمن توغندي او بې پایلټه الوتکې ډیر زر د عربستان پوځي او تیلي مرکزونه په نښه کړي.
