په دیر الزور کې د داعشیانو شاته تګ روان دی

د روسیې دفاع وزارت  د سوریې په دیر الزور کې د ۸۵۰ ترهه ګرو د وژلو خبر ورکړ.

د روسیې دپوځ   د عملیاتو دمرکزي ادارې مشر وویل : د روسیې بم غورځوونکو الوتکو پرون   په دیر الزور ولایت کې د ترهه ګرو په مرکزونو په بمبارۍ سره کابو اته نیم سوه ترهه ګر ووژل .

 سرګئ رودسکوي زیاته کړه : په دغو عملیاتو کې همداراز  یوولس ټانکونه ، څلور زغر ګاډي  ۴۶ په درنو وسلو سنبال ګاډي، پينځه هاوانونه ، شل ټرکونه او د وسله او مهماتو  اته دیرش  ګودامونه له مینځه یوړل شول.

د دیرالزور ولایت زیاتې برخې په تیرو ورځو کې د سوریې د پوځ له خوا  د داعش له ترهه ګرو ازادې شوې.