جده کښې د سعودي باچا پر ماڼۍ وسله وال برید شوی

رسندوي سرچینو په جده کښې د سعودي باچا په ماڼۍ د وسله وال برید خبر ورکړ.

د العالم د خبر له مخې نن د عربستان په جده ښار کښې پر السلام ماڼۍ باندې شوې وسله واله حمله کښې د سعودي باچا د دغې ماڼۍ دوه ساتونکي وژل شوي او دوه نور ژوبل شول.

سعودي رسنیو همداشان وویل چې پر السلام ماڼۍ برید کونکی وسله وال هم وژل شوی دی.

د عربستان امنیتي ځواکونه باوري دي چې په جده کښې د سعودي باچا پر ماڼۍ برید کونکی یوازې نه دی او د دې حملې د نورو عاملانو د پيژندلو او نیولو لپاره یې د پلټنې عملیات پيل کړي دي.