د سوریې کړکیچ دې زرترزره ختم شي

د لبنان ولسمشر د سوریې د کړکیچ د هواري لپاره د یوې حل لارې په موندلو کښې د چټکتیا غوښتونکی شو.

العالم ټي وي چینل خبر ورکړی چې میشل عون په بیروت کښې د انګلستان د خارجه وزیر الیسټیر بَرټ په کتنه کښې د لبنان د هوايي حریم په خلاف ورزۍ کښې د صهیونیسټي رژيم د پوځ د اقداماتو په غندلو سره د دې اقداماتو د بندیدو او د سوریې د کړکیچ د ختمولو په شمول په مینځني ختیځ کښې د ټکاو راوستلو لپاره یوې عادلانه، هراړخیزې او دائمي حل لارې ته پّ رسیدو کښې د چټکتیا غوښتنه وکړه.

لبنان له سوریې سره د ګډو پولو د لرلو په وجه په دغه هیواد کښې د ترهګر جنګ په وجه ډیر اغیزمن شوی دی.