عربستان بیاهم په یمن کښې لسګونه بیګناه مسلمانان ووژل
د ملګرو ملتو سرمنشي انتونیو ګوتریش د امنیت شورا له ټولو دائمي غړو غوښتي چې د یمن د کلابندۍ د ختمولو لپاره پر عربستان دباو واچوي خو تراوسه یې هیڅ ګټه نه ده کړې.
د یمن د سویل لویدیځ په تعز ولایت باندې د سعودي جنګي الوتکو په ننیو بریدونو کښې لږترلږه ۱۲ یمني مسلمانان مړه او ګڼ نور زخمي شول.
العالم ټي وي چینل خبر ورکړی چې د عربستان جنګي الوتکو همداشان د یمن په لویدیځ کښې په الحُدیده ولایت باندې په حملې سره پنځه یمني کارګران ووژل.
په عین حال کښې د ملګرو ملتو د بشري حقوقو د شورا لوړ کمشنر رعد الحسین د یمن له کلابندۍ او پرې د سختو حملو له امله د یمن د خلکو حالات غمیزه ناک وبلل.
رعد الحسین وویل: د ملګرو ملتو د سازمان له جوړیدو راهیسې په دومره زیات د سر او مال په تاوان سره داسې ستر مصیبت نه و لیدلی.
هغه زیاته کړه چې د ملګرو ملتو سرمنشي انتونیو ګوتریش د امنیت شورا له ټولو دائمي غړو غوښتي چې د یمن د کلابندۍ د ختمولو لپاره پر عربستان دباو واچوي خو تراوسه یې هیڅ ګټه نه ده کړې.
