ملګری ملتونه دسورئې دبحران په حل کولوکې بې وسه دی
سورئې له کیمیائی وسلو داستفادې په باب لګیدل شوی درست تورونه په کلکه رد کړی دی . روسیې هم دا ، په سورئې د حملې د توجیه لپاره یوه له مخکې جوړه شوی پلمه بللې ده .
دملګروملتو سرمنشی آنتونیو ګوترش نن د سویډ له ایس وی ټی ټیلیویژنی چینل سره په خبرو کې چې نن خپرې شوی ، وئیلی دی ، په امنیت شورا کې د موجوده اختلافاتو په نظر کې په نیولو سره ، دغه موسسه دهغو مشکلاتو دحل وس نه لری ، چې سوریه ورسره لاس اوګریوان ده .
آنتو نیو ګوترش زیاته کړې ، ډیره ساده خبره ده چې فکر وکړوو ملګری ملتونه وس لری ، په معجزه کولو سره دسورئې مشکل حل کړی ، په تیره بیا دې ته په پام سره چې امنیت شورا د دغې موضوع په سر سره اختلاف لری . په عین حال کې د ملګروملتو سرمنشی منلې ده چې د سورئې دشخړې په حل کولو کې بې وسه دی .
امریکا ، فرانسې اوانګلستان د اپریل په څوارلسمه نیټه دسورئې په دوما کې د حکومتی ځواک له خوا د کیمیائی وسلو څخه داستفادې په پلمه په سورئې حمله و کړه چې په پنځوسو دقیقو کې ئې د دغه هیواد په بیلابیلو مرکزونو څه دپاسه سل توغندی وویشتل چې د روسیې او خپلواکه سرچینو په وینا دغه زیاتره توغندی د سورئې دهوا فضا دفاعی توغندوی سسټم په فضا کې شنډ کړی دی .
سورئې له کیمیائی وسلو داستفادې په باب لګیدل شوی درست تورونه په کلکه رد کړی دی . روسیې هم دا ، په سورئې د حملې د توجیه لپاره یوه له مخکې جوړه شوی پلمه بللې ده .
