د صهیونیسټي رژيم پوځ پر غزې هوايي حمله وکړه

د صهیونیسټي رژیم د پوځ جنګي الوتکو یوځل بیا په غزې تړانګې باندې بمباري وکړه.

(فلسطین الیوم) خبري ویب سایټ بیګا لیکلي چې د صهیونیسټي رژیم د پوځ جنګي الوتکو د غزې تړانګې په شمال کښې بیت حانون ښار بمباري کړی دی.

د دې هوايي حملې د سر او مال د احتمالي تاوانونو په هکله تراوسه کره معلومات نه دي ترلاسه شوې.

د صهیونیسټي رژیم پوځي ډرونز وړمه شپه هم د غزې تړانګې سویلي سیمې په توغندیو ویشتې وې.

د ویلو ده چې صهیونیسټ رژیم له ۲۰۰۷ کال راهیسې د غزې کلابندي ډیره سخته کړې ده.