صهیونیسټ رژیم نن سهار په غزې تړانګې برید وکړ
د لبنان المنار ټیلی ویژن راپور ورکړ د صهیونیسټ رژیم توپونو نن سهار وختی د فلسطین د غزې تړانګې په شمال کښې په« بیت لاهیا »سیمې ډزې کړی دی .
ځینو خبری سرچینو هم د غزې تړانګې په جنوب کښې په «خان یونس» سیمه کښې د بم چاودنې د غږ د اوریدا خبر ورکړی دی .
صهیونیسټ رژیم ادعا وکړه چې دغه برید د نیواکی ټاټوبو په جنوب کښې په کریات ملاخی (Kiryat Malakhi ) او عسقلان(Ashkelon) صهیونیسټ میشته ښاریو باندې له غزې تړانګې څخه د څو راکټونو ویشتلو ته په غبرګون کښې شوی ده .
د صهیونیسټ رژیم لومړی وزیر بنیامین نتانیاهو د انتخاباتو په کمپاین کښې د وینا لپاره عسقلان سیمې ته تللی دی .
په عسقلان سیمه کښې د خطرې د ټلۍ له وهلو وروسته د صهیونیسټ رژیم لومړی وزیر بنیامین نتانیاهو یوه (۱) پناه ځاې ته وتښتیده .
د صهیونیسټ رژیم جنګی الوتکو ، هیلی کوپټرونو ، بې پایلوټه الوتکو او توپونو په تیرو څو اونیو کښې په ځلونو د فلسطین د غزې تړانګې په بیلابیلو سیمو حملې کړی دی .
د فلسطین غزې تړانګه له ۲۰۰۶ میلادی کال راهسې د اسرائیلو لخوا له ځمکې ، سمندر او هوا څخه کلابنده شوی ده او خلک له ډیرو مشکلاتو سره مخ دی .
