د سوریې پوځیان سراقب ښار ته ورننوتل
ایسنا خبري اژانس وايي د سوریې د بشري حقوقو څارونکي موسسې پرون وویل حکومتي عسکر په ادلب ولایت کښې سراقب ستراتیژیک ښار ته ننوتلي دي .
دغه موسسې وویل د سوریې پوځ د حلب ښار له جنوبي خوا څخه د ترهګرو د ملاتړ کرښو په تړلو سره د سراقب ښار د پاکولو عملیات پیل کړي دي .
د سوریې پوځ په تیرې سه شنبې ورځ هم د ادلب په جنوب ختیځ کښې مردیخ ، کدور او رویحه کلي تر کنټرول لاندې وروستلي وو .
د سوریې پوځ څو ورځې کیږي په ادلب ولایت کښې د اوربند په بیا بیا خلاف ورزۍ کولو کښې د ترهګرو ډلو اقدام ته په غبرګون کښې په دغه سیمه کښې پوځي عملیات پیل کړل او تراوسه توانیدلی دی د دغه ولایت یوشمیر سیمې له ترهګرو ازادې کړي .
ادلب ولایت په سوریې کښې د ترهګرو ډلو اخري مرکز دی او له ترهګرو ډلو د دغه ولایت او د حلب د لویدیځ د ځینو سیمو او د لاذقیه د ختیځ په ازادیدا سره به په دغه هیواد کښې د ترهګرو ډلو شتون له مینځه ولاړ شي .
