په یمن کښې د عربستان خلاف ورزیانې دوام لري
فارس خبري اژانس وايي د یمن یوه (۱) پوځي چارواکي وویل د سعودي عربستان تیریګرو عسکرو او د هغوې ګوډاګیانو په تیرو څلرویشتو (۲۴) ساعتونو کښې په الحدیده ولایت کښې یوسل پینځه پنځوس (۱۵۵) ځله د اوربند خلاف ورزیانې کړي دي .
د یمن دغه پوځي چارواکي المسیره ټیلي ويژن ته وویل د سعودي عربستان تیریګرو عسکرو او د هغوې ګوډاګیانو د الحدیده ولایت په بیلابیلو سیمو باندې په لسګونو توغندي او دغه راز د هوان او د توپونو ګولې ویشتلي دي .
د سعودي عربستان د پلاوي او دیمن د استازیو ترمینځ په سویډن کښې د موافقې وړ اوربند د ۲۰۱۸ میلادي کال د دسمبر میاشتې د شپږمې (۶) نیټې له سهار څخه پیل شوی خو د سعودي عربستان ائتلاف هره ورځ د دغه اوربند خلاف ورزیانې کوي .
تراوسه د یمن د جنګ د ختمولو لپاره یوشمیر خوځښتونه ترسره شوي دي خو هر ځل د سعودي عربستان او د هغه د متحدانو په کارړنګونو سره بندون ته رسیدلي دي .
سعودي عربستان په ټوله دنیا کښې د ترهګرو ډلو جوړونکي او ورسره مالي ملاتړ کونکی دیکتاتور رژیم دی .
