د سوریې خلکو د امریکايي ځواکونو خلاف مظاهرې وکړې

د سوریې په شمال ختیځ کښې د الحسکه ولایت سلګونو خلکو په خپله سیمه کښې د امریکايي پوځیانو په غیرقانوني شتون باندې ا عتراض کښې مظاهرې وکړې.

د الحسکه ولایت د القامشلي ښار اوسیدونکو پرون د مظاهرو په کولو او د شعارونو په ورکولو سره د سوریې له خاورې د امریکايي پوځیانو د وتلو غوښتنه وکړه.

هغوي د امریکې د بیرغ په سوزولو سره دغه هیواد لوټمار او په شام او سیمه کښې د ګډوډي لامل وباله او د سوریې د ولس خلاف د واشنګټن یواړخیزو بندیونه یې هم وغندل.

د مظاهرو ګډونوالو په پاې کښې د یوې خبرپاڼې په صادرولو سره وویل: د شام ولس به یوازې د نیواکګرو ځواکونو په وتلو او د نیواکګرو له منګولو د هغوي د خاورې په خلاصیدو سره ارامښت ته ورسیږي.