د لبنان په پلازمینه بیروت کښې بیړنی حالت اعلان شو
Aug 13, 2020 11:09 Asia/Kabul
فارس خبري اژانس وايي په بیروت بندر کښې له چاودنې او دغه ښار ته له زیاتو ځاني او مالي تاوانونو رسیدا وروسته د لبنان پارلمان د بیړني حالت اعلانول تصویب کړل .
د لبنان پارلمان نن د نبیه بیري په مشرۍ غونډې کښې وویل د بیروت بندر د چاودنې د قربانیانو کورنۍ به له ځینو معافیتونو برخورې شي .
د لبنان د پارلمان مشر نبیه بیري دغه راز وویل د لبنان پوځ د هیواد د وحدت دساتلو او د ارامښت د ټینګولو بیلګه دی .
د لبنان په بیروت بندر کښې د چاودنې له کبله اویا زره کورونو او درې زره اوه سوه دوه نوي(۳۷۹۲) ودانیو ته زیات تاوانونه رسیدلي دي او دغه هیواد ته یې پینځلس (۱۵) میلیارډه ډالره تاوانونه هم رسولي دي .
ټیګونه
