غزه کښې اوربند وشه
د صهیونیسټي رژیم کابینې د شپې له دوو بجو څخه په غزې تړانګې کښې د اوربند له ټینګښت سره موافقه وکړه
د صهیونیسټي رژیم کابینې د شپې له دوو بجو څخه په غزې تړانګې کښې د اوربند له ټینګښت سره موافقه وکړه
المیادین خبري چینل د صهیونیسټي رسنیو له قوله خبر ورکړی چې د اسرائیلو کابینې بیګا په یوې درې ساعتیزې غونډې کښې په جمع له اوربند سره موافقه وکړه.
دغه اوربند د شپې له دوو بجو څخه اجرا شوی دی.
د اوربند مصر ي چارواکو په غزې کښې فلسطیني ډلو ته د اوربند خبر ورکړی دی.
د ویلو ده چې د نیواکي ټاټوبي مختلف ښارونه په دې وروستیو کښې د فلسطینیانو د مقاومت له نوي پړاؤ سره مخامخ شول. د نیواکي بیت المقدس په ختیځه برخه کښې د شیخ جراح سیمې د نیولو او ورانولو لپاره د صهیونیسټي رژيم اقدامات د نښتو د نوي پړاؤ سبب شول چې دوام یې د صهیونیسټانو په جنایتونو باندې د نړیوالو اعتراضونو سبب شو.
نیواکګرو صهیونیسټو پوځیانو د تیرې اونۍ له دوشنبې یعنې د مۍ میاشتې له لسمې نیټې څخه د غزې د تړانګې او فلسطینیانو خلاف بوږنونکې حملې او تیري پیل کړل چې له امله یې د ۶۵ ماشومانو، ۳۹ ښځو او د ۱۷ تنو بوډاګانو په شمول ۲۳۰ فلسطینیان شهیدان شوي او ۱ زر ۷ سوه ۱۹ تنه نور زخمي شوي دي.
