په چین کښې سیلاب پینځویشت کسان وژلي
فارس خبري اژانس وايي د چین په یوه (۱) ولایت کښې د سختو بارانونو په دوام سره د سیلاب د راتلو په وجه کابو پینځویشت (۲۵) کسان وژل شوي .
د چین د هنان ولایت په مرکز زنګجو ښار کښې د سخت باران او د سیلاب له کبله د مړو کسانو شمیر پرون پینځویشتو (۲۵) ته ورزیات شوی چې لس (۱۰) کسان یې میټرو ته د اوبو د ورتلو په وجه مړه شوي دي .
د چین ځایي چارواکو وویل دغه سیلاب د کابو پینځویشت (۲۵) کسانو د مړینې سبب شو او کابو اوه (۷)نور کسان بې درکه دي او له تاواني شو یو سیمو نیمايي خلک وتلي دي .
دا په داسې حال کښې دي چې د چین د هوا پیژندنې ادارې ویلي دي چې تر راتلونکو دریو (۳) ورځو پورې به بارانونه دوام ولري او پوځ او د ژغورنې د عملیاتو ترسره کولو ته ورګډ شوی دی .
په تیرو څو ورځو کښې په چین سربیره د اروپا ، امریکا او د کاناډا یوشمیر ولایتونه او سیمې له سختو بارانونو او سیلابونو سره مخ شوي دي چې ډیر تاوانونه یې هم اړولي دي .
