په کابل کې د افغانستان او روسیې د استخباراتو د مشرانو لیدنه

پارس تودی-د روسیې د بهرنیو استخباراتو رئیس سرګئي ناریشکین په یوه رسمي سفر کابل ته تللی او د افغانستان د استخباراتو له عمومي رئیس عبدالحق وثیق سره یې لیدلي دي.

د پارس تودی له راپور سره سم، د سرچینې د راپور له مخې، دواړو لورو د مهمو موضوعاتو په اړه خبرې کړې دي؛ خو د خبرو د جزییاتو او پایلو په اړه نور معلومات نه دي خپاره شوي.

روسیه په وروستیو کلونو کې د سیمه‌ییز امنیت او د پولې هاخوا ګواښونو پر وړاندې د مبارزې په برخه کې د افغانستان له سرپرست حکومت سره خپلې همکارۍ زیاتې کړي دي.