چاووش اوغلو:
ناټو د روسیې او یوکراین ترمینځ د جنګ دوام غواړي
د ترکیې خارجه وزیر وايي ناټو د روسیې او یوکراین ترمینځ د جنګ د جاري پاتې کولو په تکل کښې ده
تسنیم خبري آژانس لیکلي دي چې مولود چاووش اوغلو بیګا د سي، این، این د ترکي ژبې په پروګرام کښې د روسیې او یوکراین د جنګ په هکله وویل: د ناټو ځیني غړي هیوادونه د دغه جنګ د دوام موندلو په لټّ کښې دي ځکه چې د روسیې د کمزورې کیدو لامل یې ګڼي.
ترک خارجه وزیر دې ټکي ته په اشارې سره چې د روسیې او یوکراین ترمینځ د انتالیا په غونډه کښې یې د جنګ د ختمولو لپاره کومه خاص نتیجه نه درلودله، زیاته کړه: سیاسي حل لاره د دغه جنګ د ختمیدو یوازنۍ لاره ده.
دا په داسې حال کښې دي چې له دې مخکښې واشنګټن پوسټ ورځپاڼې په یو رپورټ کښې ویلي وو چې روسیې، یوکراین ته د وسلو د ورکړې د دوام د خطرناکو او نه اټکلیدونکو پایلو په هکله امریکې او لویدیځ ته خبرداری ورکړی دی.
د ویلو ده چې د یوکراین د جنګ د پیلیدو نن اووه پنځوسمه ورځ ده.
