د روسیې دوما د اروپا د چارواکي دریځ وغند
ایسنا خبري اژانس وايي د روسیې ولسي جرګې دوما اوکراین ته د اټومي بم د انتقالولو لپاره د اروپايي چارواکي غوښتنې ته غبرګون وښود.
د پولینډ هیواد پخواني خارجه وزیر او د پارلمان استازي راډوسلاو سیکورسکي په ټیلي ويژني وینا کښې وویل لویدیځ هیوادونه دغه حق لري چې اوکراین ته اټومي خولۍ ورکړي.
د اروپا د پارلمان د پولینډ استازي وویل اوکراین په ۱۹۹۴ میلادي کال کښې د بوډاپسټ د تفاهم لیک له لاسلیک کیدا وروسته له اټومي فعالیتونو لاس واخیست..... زه باوري یم چې مونږ د لویدیځو هیوادونو په توګه دغه حق لرو چې اوکراین ته اټومي خولۍ ورکړو چې وکولای شي خپله خپلواکۍ وساتي.
خو د روسیې د ولسي جرګې دوما مشر ویاچسلاو ولودین پرون د اروپا د دغه چارواکي غوښتنې ته په غبرګون کښې وویل د اروپا د پارلمان استازی غواړي په مرکزي اروپا کښې اټومي جنګ رامینځته کړي.
هغه وویل د دا ډول کسانو د شتون په وجه نه یوازې باید اوکراین له نازیانو ایډیالوژۍ ازاد کړو بلکې باید د دغه هیواد د غیر اټومي حالت په هکه هم باید ډاډ ترلاسه شي.
