امریکا د افغانستان پخواني پایلوټان د اوکراین جنګ ته استوي

تاس خبري اژانس پرون وویل د امریکا دفاع وزارت پینټاګان د افغانستان پخوانیو پایلوټانو او نورو افغانانو ته چې د افغانستان د تیر حکومت په امنیتي ځواکونو کښې یې کار کاوه د امریکا په کیلي فورنیا ایالت کښې پوځي روزنه ورکړي ده او هغوې د پولینډ هیواد له لارې اوکراین ته استوي.

له دې مخکې هم راپورونه ورکړل شوي وو چې امریکا او بریتانیا د افغانستان پخواني امنیتي ځواکونه د اوکراین جنګ ته استولي دي.

د اوکراین جنګ له ټولو پراخو سیاسي ، پوځي ، اقتصادي او ټولنیزو او حتی کلتوري اړخونو سره سره اومې میاشتې ته ورننوتلی دی او اوکراین ته د امریکا او د نورو لویدیځو هیوادونو د وسلو استول اوس هم دوام لري.

روسیې په ځلونو ویلي دي چې اوکراین ته د لویدیځو هیوادونو د وسلو استول یوازې د جنګ د زیاتیدا سبب کیږي او د نه اټکل وړ پایلې لري.