د لویدیځو هیوادونو وسلې د ترهګرو ډلو لاسونو ته ورځي

اسپوتینک خبري اژانس وايي د روسیې د کورنیو چارو وزارت وویل د لویدیځو هیوادونو جوړې ګڼ شمیر وسلې چې اوکراین ته یې ورکوي د تورو بازارونو له لارې د ترهګرو ډلو لاسونو ته ورځي.

د روسیې  د کورنیو چارو وزیر ولادیمیر کالاکولتسف وویل د لویدیځو هیوادونو اکثره جوړې وسلې چې د تورو بازارونو له لارې اوکراین ته ورکول کیږي په نهایت کښې په اروپا او نورو هیوادونو کښې د ترهګرو ډلو او د نورو منظم شویو جنایتکاره ډلو لاسونو ته ورځي.

له روسیې سره په جنګ کښې د اوکراین د ملاتړ په پلمه اروپايي اتحادیې او امریکا په ځلونو اوکراین ته وسلې او پوځي تجهیزات استولي دي او روسیې دغه چاره د جنګ د اوږدیدا سبب بللي ده.

امریکا ، بریتانیا ، فرانسې ، جرمني ، کاناډا او نورو اروپايي هیوادونو له ټولې نړۍ څخه ګڼ شمیر ترهګر د اوکراین جنګ ته استولي دي چې هلته د روسیې پرضد وجنګیږي.