د فوټبال د نړۍ اتل برازیلی لوبغاړی پېلې مړ شو
دغه اتل ځکه په پېلې مشهوره شو چې د بیله په نوم د یوه ګول ساتونکي نامه ئې په تېروتنې سره پېلې اخیستی و،البته د هغه خپله اصلي نامه اډیسن ارانتیس ډی نسیمینټو وه.
زمونږخبریال راپور راکړ،د فوټبال د نړۍ دغه افسانوي لوبغاړی، چې په تېره پېړۍ کې ئې درې نړیوال جامونه ګټلي، له ۲۰۲۱ کال راهیسې د کولمو سرطان ناروغي درلوده.
نوموړي په ۱۵ کلنۍ کې له یوه کلب څخه د فوټبال لوبه پیل کړې وه او بیا ئې د لومړي ځل لپاره په رسمي توګه له سینټوس کلب سره لوبه وکړه.
د برازیل دغه په زړه پورې لوبغاړی پېلي د فوټبال په ۲۱ کلني سفر کې ۹۲ ځلې هیټریک (یعنی په یوه لوبه کې درې ګولونه) کړي وو چې تر اوسه نړیوال ریکارډ دی.
د فوټبال نړیوال فډریشن په ۲۰۰۰کال کې پېلي د ۲۱ پېړۍ تر ټولو ستر لوبغاړی اعلان کړی و.
پیلې چې د قطر د ۲۰۲۲ نړیوال جام له پیل سره سم په روغتون کې بستري شوی و، خپلو خپلوانو او مینه والو ته په یوه پیغام کې ویلي وو،؛زما د وضعیت په اړه اندېښمن مه اوسئ او له نړیوال جام څخه خوند واخلئ."
د برازیل فوټبال افسانوي لوبغاړي په دوو لسیزو کې په ۶۵۰ لوبو کې ۱۲۸۱ ګولونه کړی وو چې نړیوال ریکارډ یې جوړ کړ او نامه د ګېنز د ریکارډونو په کتاب کې ثبت شو.
هغه ځکه په پېلې مشهوره شو چې د بیله په نوم د یوه ګول ساتونکي نامه ئې په تېروتنې سره پېلې اخیستی و، البته د هغه خپله اصلي نامه اډیسن ارانتیس ډی نسیمینټو وه.
یاد او خاطره ئې تل ژوندئ
