په جنوبي ایتهوپیا کښې د غټ خیټو فیسټیوال ترسره کیږي

زمونږ خبریال راپور راکړی د افریقا د لوې وچې په جنوبي ایتهوپیا کښې یوه داسې قبیله شته چیرې چې هر کاله د غټو خیټو د کسانو د سیالۍ مراسم ترسره کیږي.

په دغو مراسمو کښې د تر ټولو غټې خیټې کس بریالی بلل کیږي.

په دغو مراسمو کښې د ګډون کولو لپاره خلک تر شپږو میاشتو پورې هڅه کوي چې خپلې خیټې غټې کړي.

د جنوبي ایتهوپیا په « اومو» سیمه کښې د سترو خیټو کسان  اغیزشیندونکي او جذاب  بلل کیږي.

د جنوبي ایتهوپیا د «بودي »نوم قبیله د کرهڼې او د څارویو د ساتلو پیشه لري او دوې په کائل نومې فیسټیوال کښې د سترو خیټو جشن لمانځي.

په دغه فیسټیوال کښې د تر ټولو سترې خیټې سړی تر ټولو چاق سړی بلل کیږي او د قبیلې ټول خلک د ژوند تر اخره د هغه عزت کوي.