چین لمسونکو اقداماتو ته د ځواب ویلو حق لري
ایرنا خبري اژانس راپور راکړی د کریملین ماڼۍ ویاند دمیتري پسکوف وویل چین حق لري د پوځي مانورې په ترسره کولو سره د امریکا لمسونکو اقداماتو ته ځواب ورکړي.
د چین حکومت د امریکا د ولسي جرګې کانګرس له مشر کوین میک کارټي سره د ټایوان سیمې د مشر «تسای اینګ وون» وروستۍ کتنې ته په غبرګون کښې له تیرې شنبې ورځې راهسې ټایوان جزیرې ته نږدې درې ورځنې پوځي مانوره پیل کړه.
د کریملین ماڼۍ ویاند دیمیتري پسکوف وویل چین حق لري لسمونکو اقداماتو ته ځواب ورکړي او د ټایوان شاوخوا پوځي مانوره ترسره کړي.
دمیتري پسکوف د چین پرضد لمسونکو اقداماتو ته په اشارې سره وویل ټول باید د چین او د نړیوالو قوانینو په لړ کښې د چین د اقداماتو احترام وکړي.
هغه د فرانسې په هکله وویل پاریس په اوکراین کښې د سولې مینځګړی نشي کیدلای ځکه چې فرانسه هم نیغ په نیغه او هم په غیر مستقیم ډول د اوکراین پلویتوب کوي.
د فرانسې ولسمشر امانوئل مکرون پیکینګ ته په سفر کښې د چین له ولسمشر شي جین پینګ څخه غوښتي وو چې د اوکراین د مسلې په هکله روسیه قانع کړه.
چین د اوکراین د جنګ د ختمولو لپاره دولس ماده ئیز پلان وړاندی کړی دی او روسیې یې هرکلی کړی دی.
