ایران په ډنمارک کښې د قرآن کریم سپکاوي ته غبرګون وښود
د ایران د خارجه وزارت ویاند پّ ډنمارک کښې یوځل بیا د قرآن کریم د مقدس ساحت سپکاوی په کلکه وغنده
ناصر کنعاني وویل: دا سپک کار چې د قرآن د نازلیدو په میاشتې یعنې رمضان المبارک کښې ترسره شوه، د اسلام د نوراني او اسماني دین او د نړۍ د ټولو مسلمانانو څرګند سپکاوی دی.
هغه څرګنده کړه: د جمعې په ورځ او په داسې حال کښې د دغه راپاروونکي اقدام ترسره کول چې د نړۍ پتمنو خلکو په یوه خوله د جنایتکار او فتنه اچوونکي رژیم له منګولو د قدس شریف آزادي غوښتله، نندارې ته د هغې ادعا د وړاندې کولو لپاره ترټولو سپکه لاره ده چې په لویدیځ کښې د بیان د آزادۍ په نامه یادیږي.
هغه یادونه وکړه چې د مسلمانانو د مقدساتو داسې په آزاده سپکاوی، د تندلاریتوب او تکفیري تشدد بل مخ دی او په هم هغه اندازه محکوم او د نړیوال دفاعي غبرګون وړ دی.
د ایران د خارجه وزارت ویاند د ډنمارک له حکومته وغوښتل چې د دا ډول کرکه اچوونکو اقداماتو د مخنیوي لپاره دې پریکنده تابیاوې او اقدامات ترسره کړي.
