اروپایي اتحادیې:
روسیه د اوکراین په جنګ له بریا پرته مذاکره نه کوي
د اروپایي اتحادیې د بهرني سیاست مسئول وویل چي روسیه د اوکراین په جنګ کې د بریا پرته خبرو اترو ته نه تیاریږي.
د ایرنا له راپور سره سم، د اروپایي اتحادیې د بهرني سیاست مسئول جوزپ بورل تېره شپه رسنیو سره په خبرو کې وویل: د راتلونکي دوبي لپاره د هغو پېښو په وړاندې چي په اوکراین کې به تر سره شي، خوشبین نه یم.
هغه زیاته کړه: مونږ په ښکاره توګه وینو چي روسیه د اوکراین په جنګ د بریا په لټه کې ده.
د روسیې د بهرنیو چارو د وزیر مرستیال په دې وروستیو کې ویلي چي ناټو سره د اوکراین نه پیوستون د سولي له شرطونو څخه دی.
له بلې خوا څخه بیا اوکراین په دې وروستیو کې په ایران باندې روسیې ته د وسلو د ورکړې تور بیا ځلې مطرح کړي او د دې هیواد پارلمان په ایران باندې اوږدمهاله بندیزونه لګولي دي.
اوکراین په داسي حال کې په ایران باندې بندیزونه لګولي چي د ایران خارجه وزیر عبداللهیان د ملګرو ملتونو له مرستیال مارتین ګریفیتس سره په کتنه کې وویل: ایران د اوکراین په جنګ له هیڅ یوه لوري سره مرسته نه کوي، جنګ د حل لاره نه بولي او د اوکراین د ملي واکمنۍ او ځمکنۍ بشپړتیا درناوی کوي.
