په غزې تړانګې کې دې سملاسی اور بند ټينګ شي
د ملګروملتو سرمنشي آنتونیو ګوتریش ددې خبرې په کولو سره چې په غزې تړانګې کې انساني وضعیّت ډيرې بوږنونکی دی ، په دغې تړانګې کې دې فوري اوربند ټينګ شي.
د ملګروملتو سرمنشي په ۲۰۲۴کال کې پخپل لومړني خبری کنفرانس کې دې خبرې ته په اشارې سریه چې په غزې تړانګې باندې د اسرائيلو د حملو څه دپاسه سل ورځې تیریږي، ټينګار وکړ، دانسان دوستۍ په دلیلونو سره ددغو حملو سملاسی دریدا ضروری ده او په غزې تړانګې د صهونیسټ رژيم حملو وخت اوږدیږي ، د حالاتو دخرابیدا خطره به هم لازیاته شي.
آنتونیوګوتریش په دوام کې ددې خبرې په کولو سره چې په غزې تړانګې د صهیونیسټي رژیم دحملو په زیاتره مرګ ژوبلوکې ماشومان او ښځې ترسترګو کیږي، ووئيل، داکتوبر له اومې نیتې راهسې په غزې تړانګې باندې د صهیونیسټي رژيم په حملو کې د ملګروملتو ۱۵۲کارمندان هم وژل شوي دي چې د ملګروملتو په تاریخ کې تراوسه پورې ترټولو زیاتې مرګ ژوبلې دي .
دملګروملتو سرمنشي همداراز ووئيل، په داسې حال کې چې په غزې تړانګې د اسرائيلو حملې دوام لري، ملګري ملتونه او دهغو شریکان په غزې تړانګې ته د انسان دوستۍ مرستې په ښه ډول نه شي رسولی.
په عین حال کې په ملګروملتو کې د فلسطین استازي ریاض منصور په یوګنډا کې د ناپیّلي غورځنګ د سرمشریزې په څنډې کې خبریالانو ته ووئيل، دغه غورځنګ د فلسطین له ايډئيل څخه چورلټ ملاتړ کوي. هغه زیاته کړه ناپیلي غورځنګ له هماغه تاسیس وخت راهسې ، تل د فلسطین د ولس دمسلمو حقوقو او ګټو ملاتړ کړی دی.
