ملګروملتونو له عراق څخه د امریکا د وتلو هرکلی کړی
ایرنا خبري اژانس راپور راکړی ملګرو ملتونو له عراق څخه د امریکا د پوځيانو د وتلو په هکله د بغداد او د واشنګټن ترمینځ د خبرو هرکلی وکړ.
د ملګروملتونو ویاند «اسټیفان ډوجاریک»د عراق په خاوره کښې د امریکا د خارجي ائتلاف د شتون د پاې د مهال ویش د تدوینولو په هکله د امریکا او د عراق موافقې ته په اشارې سره وویل: ملګري ملتونه د واشنګټن او د بغداد د خبرو اترو هرکلی کوي.
له عراق څخه د امریکا د پوځیانو د وتلو لپاره د عراق د حکومت له بیا بیا غوښتنو سره سره نښې نښانې په سره سمندر کښې له امنیتي بدلونونو او د غزې تړانګې له جنګ وروسته په عراق کښې د پوځي شتون د زیاتولو لپاره د واشنګټن د هڅو ښودنه کوي.
د عراق خارجه وزارت پرون وویل د تیر میلادي کال له اګست میاشتې راهسې د شپږو میاشتو د خبرو اترو له ترسره کیدا وروسته د امریکا حکومت موافقه وکړه چې سوکه سوکه له عراق څخه خپل پوځيان وباسي.
د عراق د بهرنیو چارو وزارت وویل د بغداد حکومت د امریکا د پوځیانو ایستل د خپل پروګرام د اجرا او د هغه ژمنې برخه ګڼي چې د عراق له خلکو سره یې کړي ده.
په عراق کښې د امریکا دیره عسکرو په یوه نوي اقدام کښې په تیرې سه شنبې ورځ د عراق د ولسي بسیج ځواک الحشد الشعبي په دوو مرکزونو باندې بریدونه وکړل چې د عراق اسلامي مقاومت ځواکونو او حکومت ورته سخت غبرګون وښود.
