اسرائیل له مینځه په تلو دی
د تهران د جمعې لمانځه خطیب وویل: طوفان الاقصی عملیاتو د صهیونیسټي رژیم اساسي کمزوري په ډاګه کړه او د دغه رژیم د نابودۍ سریزه شوه.
د تهران ښار د جمعې لمانځه خطیب حجتالاسلام «کاظم صدیقي» د طوفان الاقصی عملیاتو د مختلفو اړخونو په تشریح او د صهیونیسټي رژيم د مینځ تشې دبدبې او له ځینو هیوادونو سره د اسرائیلو د اړیکو د ښه کولو د طرحې په ماتې یې اغیزې ته په اشارې سره وویل: طوفان الاقصی د اړیکو د عادي کولو پلان بیخي له مینځه یوړه او دوباره د سمیدو یې هم پرې نښوده.
حجت الاسلام صدیقي زیاته کړه: طوفان الاقصی د لویدیځ لیبرل ډیموکراسۍ او د هغه ناروا بچي یعني صهیونیسټي رژیم ته داسې نه جبیره کیدونکی تاوان ورسوه چې د لویدیځو شناندو په وینا، صهیونیسټي رژيم نن سبا په ویلي کیدو او ختمیدو دی.
د تهران د جمعې د لمانځه موقته خطیب د امام خمیني(رح) سپارښتنو ته په اشارې سره وویل: امام خمیني د فلسطین مسئله او له اسرائیلو سره د مبارزې خبره د اسلامي نړۍ په سترې مسئلې بدله کړه.
هغه د صهیونیسټي رژیم خلاف د ایران د «وعده صادق» په نامه خبردارونکو عملیاتو ته په هم اشاره وکړه او همغه یې د امام خمیني او د اسلامي انقلاب د اولادونو او د وخت پیژوندونکو پاسدارانو یو شاهکار وباله چې یې یو دفاعي حرکت په یرغلیز حرکت بدل کړ.
حجت الاسلام صدیقي د خطبو په دوام کښې، د ایران راتلونکو ولسمشریزو انتخاباتو او په دې لړ کښې د اسلامي انقلاب د معظم رهبر سپارښتنو ته په اشارې سره وویل: د شهید ولسمشر سید ابراهیم رئیسي لاره باید دوام ولري.
