په غزې کې د اسرائیلو حملې ظالمانه اقدام دی
د نړۍ د کاتولیکانو رهبر په غزې تړانګې باندې د صهیونیسټ رژية د هوائي حملو او توغندوي حملو دوام یو ظالمانه اقدام او ستر جنایت وبالۀ.
زمونږخبریال د ایرنا له قوله راپور راکړ، د نړۍ د کاتولیکانو رهبر پاپ فرانسیس پرون په یولړ څرګندونو کې په غزې تړانګې د اسرائيلو د هوائي او توغندوي حملو دوام محکوم کړ او دا اقدام ئې د فلسطین په خلکو باندې یو ښکاره ظلم او تیری وبالۀ.
پاپ فرانسیس په غزې تړانګې کې د صهیونیسټي رژيم په نسل وژنې په سختو نیوکو سره زیاته کړې ده ، په غزې تړانګې او لبنان د صهیونیسټي رژيم د پوځ حملې جنګي جنایتونه دي او د اسرائیلو نیواکګر رژیم ټول جنګي قوانینو خلاف ورزي کوي.
پاپ فرانسیس دنسل وژنې او ترهه ګرۍ په څير له ټکو څخه په استفادې سره چې د واټیکان ډيپلوماټانو تراوسه پورې ئې له وئيلو ډډه کوله، په وروستیو څو میاشتو کې ئې په غزې تړانګې کې د اسرائيلي رژيم د نسل وژونکي جنګ باندې سخت غبرګونونه ښودلې دي.
صهیونیسټي وحشي رژيم د ملګروملتو د امنیت شورا د پریکړه لیکونو او د نړیوالو قوانینو په خلاف ورزۍ او چخڼي کولو سره ، په غزې تړانګې کې د روغتونونو، جوماتونو کلیساګانو، دکډوالو دکیمپونو او هستوګنو سیمو او غیر پوځي بیخ بینائي تاسیساتو باندې په وحشي ډول بمبارئ کوي او زیاتره ئې په کنډوالو بدل کړي دي. دغز ې تړاګې څه دپاسه یو میلیون اوسیدونکي په داسې حال کې کډه په سر شوي دي چې د خوړو ،درملو او طبي موادو او د څښاک اوبو ته ئې لاس رسي ناممکن شوی دی او د غزې زیاتره سیمو ته د لارو د بندیدا له امله ورته د انساني مرستو رسول ناممکن شوي دي چې د یوه سترې انساني غمیزې ځیری ورکوي.خو اسلامی نړۍ او ددنیا درستې نړیوالې ادارې او بشری حقوقو اورګانونه بیان هم چُپه خوله دي او د میلیونونو انسانانو د ژوند د خطرو په وړاندې هیڅ جدی غبرګون نه ښئ.
