ایا د روسیې په اړه د ټرمپ غشی په تیږه ولګید؟
-
مدودف او ټرمپ
پارس ټوډی – د روسيې او امریکا ترمنځ د سیاسي کړکېچونو او لفظي جګړې د زیاتېدو سره، نظامي اقدامات، لکه د اټومي آبدوزونو ځای پر ځای کول، د واشنګټن په اجنډا کې شامل شوي دي.
د پارستودي په راپور کې ویل شوي، د امریکا ولسمشر ډونالډ ټرمپ د جمعې په ورځ، د اګست په لومړۍ نېټه اعلان وکړ: ما امر کړی چې د د روسيې د امنیت شورا د مرستیال دیمتري مدودف د تحریک آمیزو خبرو په ځواب کې دوه اټومي آبدوزونه په مناسبو سیمو کې ځای پر ځای کړم.
ټرمپ د مدودف خبرې «ډېر تحریک آمیز» وبللې او ویې ویل چې دا امر یې د دې لپاره صادر کړی چې که دا احمقانه او تحریک آمیزې خبرې واقعاً جدي وي او یوازې خبرې نه وي.
په یوه بل تحول کې، ټرمپ د سهشنبې په ورځ، د جولای په ۲۹مه، د روسيې ولسمشر «ولادیمیر پوتین» ته وویل که له اوکراین سره جګړه پای ته ونه رسوي، نو له تعرفو او نورو مجازاتو سره به مخ شي.
ټرمپ وویل روسيې له نن څخه ۱۰ ورځې وخت لري چې له اوکراین سره جګړه پای ته ورسوي، که نه نو د امریکا له مجازاتو سره به مخ شي.
د امریکا ولسمشر د جولای په ۳۱مه په خپل ټرود سوشل شبکه کې ولیکل: روسيه او متحده ایالات تقریباً هیڅ تجارتي اړیکې نه لري. اجازه راکړئ دا حالت همداسې دوام وکړي او مدودف، پخواني ناکام ولسمشر ته ووایو چې «خپلو خبرو ته پام کوه!»
ټرمپ په جولای کې د روسيې لپاره د اوکراین سره د اوربند د تړون د ترلاسه کولو لپاره ۵۰ ورځنۍ موده ټاکلې وه او د تړون د ناکامۍ په صورت کې یې پرې تعرفې لګولو ګواښ کړی و، خو وروسته یې دا موده ۱۰ تر ۱۵ ورځو ته راټیټه کړه.
مدودف وروستیو کې د ټرمپ دا ضربالاجل مسخره کړ او په یوه پیغام کې یې ولیکل: که د روسيې د پخواني ولسمشر څو کلمې د متحده ایالاتو د نامتو قوي ولسمشر له خوا دومره غوسهجن غبرګون راپارولی شي، نو څرګنده ده چې روسيه په هر څه کې په حقه ده او خپلې لارې ته به دوام ورکړي.
د دواړو خواوو لفظي جګړه په ټیلیګرام کې دوام وکړ، تر دې چې غوسهجن مدودف ټرمپ د سړې جګړې د وخت د «مړې لاس» (Dead Hand) په نوم د آخرالزماني وسلې سره ګواښ کړ.
«مړې لاس» د پخواني شوروي اتحاد له خوا د سړې جګړې پر مهال جوړ شوی یو اتوماتیک هستهيي وسلو کنټرول سیسټم دی.
ټرمپ د خپل ضربالاجل د مسخره کولو په غبرګون کې، چې د اوکراین جګړې د پای ته رسولو لپاره یې ټاکلی و، په ټرود سوشل شبکه کې ولیکل: «هغه خطرناکه سیمه ته داخلېږي!»
مدودف، وروسته له هغه چې د جمهوري غوښتونکو تندروه سناتور لیندسي ګراهام ورته وویل چې «د سولې میز ته راشه»، په ایکس شبکه کې په یوه بل پوسټ کې هغه «زوړ سړی» وباله او ولیکل: دا ستا یا ټرمپ پورې نه اړه لري چې «د خبرو اترو میز ته د حاضرېدو وخت» وټاکي. خبرې اترې هغه مهال پای ته رسېږي کله چې زموږ د نظامي عملیاتو ټول اهداف ترلاسه شي.
مدودف د روسيې د اوکراین جګړې ښکاره ملاتړی دی، چې د ۲۰۰۸ او ۲۰۱۲ کلونو ترمنځ، د پوتین د درېیمې دورې د قانوني منع کولو له امله، د ولسمشرۍ کرسۍ یې پر غاړه درلوده.
داسې ښکاري چې د مدودف پرلهپسې غبرګونونه د ټرمپ د خبرو په وړاندې، چې یقیناً د روسيې د ولسمشر ولادیمیر پوتین له موافقې سره ترسره کېږي، ټرمپ ډېر غوسه او خفه کړی دی.
ټرمپ که په خپلې لومړۍ ولسمشرۍ دوره کې وي او یا اوس په دویمه دوره کې، تل یې پر نورو هېوادونو تحقیر آمیز او له لوړې کچې نظر درلود او په ډېرو مواردو کې یې د نورو هېوادونو او د دوی د مشرانو او چارواکو پر وړاندې توهین آمیزه ژبه کارولې ده. همدارنګه، ټرمپ تل عادت لري چې کله له هېوادونو څخه غوښتنه وکړي، هغوی سمدستي او پرته له ځنډه د هغه غوښتنې ومني.
د دې یو روښانه مثال د امریکا او اروپايي اتحادیې ترمنځ وروستی تجارتي تړون دی، چې سره له دې چې اروپایانو د ټرمپ د فشارونو او نوو تجارتي شرایطو او تعرفو د منلو په وړاندې د مقاومت کولو وعده کړې وه، خو په پای کې د اروپا د جوړښتي کمزوریو او د امریکا پر امنیتي وابستګۍ له امله، د اروپايي کمیسیون مشرې اورزولا فون درلاین په سکاټلنډ کې له ټرمپ سره په لیدنه کې د اروپا پر صادراتو ۱۵ فیصده تعرفه ومنله.
د ټرمپ په وینا، اروپايي اتحادیې موافقه کړې چې له امریکا څخه شاوخوا ۷۵۰ میلیارد ډالره انرژي وپیري، ۶۰۰ میلیارد ډالره نور له اوسني پانګونې زیات پانګونه وکړي او ډېرې نظامي تجهیزات وپیري.
د روسيې د امنیت شورا مرستیال مدودف وړاندې د واشنګټن او بروکسل د دې تجارتي تړون په غبرګون کې ویلي وو چې د امریکا ولسمشر دې تړون سره اروپایان تحقیر کړل.
مدودف په خپل ټیلیګرام چینل کې لیکلي وو چې دا تړون د واشنګټن لپاره ښه دی، خو د اروپایانو لپاره په بشپړه توګه تحقیر آمیز دی، ځکه د دې تړون په پایله کې د اروپا د بازار ملاتړ له منځه ځي او د امریکايي توکو پر ګمرکي تعرفو صفر ته راټیټېږي.
د روسيې او امریکا ترمنځ وروستي تعاملات ښيي چې یوه نړیواله ځواکمنه قوه، یعنې روسيه، دا ځل پریکړه کړې چې د امریکا په وړاندې کلک ودریږي او د ټرمپ هماغه تګلاره د هغه پر وړاندې وکاروي.
په حقیقت کې، روسيه چې د امریکا په څېر د نړۍ یوه اصلي هستهيي قوه ده، د ټرمپ د ګواښونو او وروستي ضربالاجل په وړاندې یې تحقیر آمیز او د ټرمپ پر مسخره کولو متمرکزه غبرګون ښودلی، او دا د روسانو لوړې ځان باور او د دوی پر ملي ځواک، په ځانګړي توګه پر خپل هستهيي زرادخانې باندې د واشنګټن د احتمالي ګواښونو او اقداماتو د مقابلې لپاره اتکا ښيي. نو له دې امله، داسې ښکاري چې د ټرمپ تیر، چې د بندیزونو ګواښ، د مقابل لوري لپاره د ضربالاجل ټاکل او د واشنګټن غوښتنو ته غاړه ایښودل دي، دا ځل د روسيې په وړاندې په کاڼي لګېدلی دی.
