نتانیاهو د چهار شنبې په ورځ له ټرمپ سره ملاقات کوي
د بنیامین نتانیاهو دفتر اعلان وکړ چې د اسرائیل رژیم لومړی وزیر به د چهارشنبې په ورځ له ټرمپ سره وګوري.
د الجزیرې له راپور سره سم، د نتانیاهو د دفتر په وینا، هغه به له ټرمپ سره د ایران او د امریکا تر مینځ د مذاکراتو په اړه خبرې وکړي.
دا به د نتانیاهو او ټرمپ اوومه لیدنه وي.
نتانیاهو د دی میاشتې په پیل کې هم د فلوریډا په پام بیچ کې هم له ټرمپ سره لیدلي و.
امریکا ته د صهیونیست رژیم د لومړي وزیر سفر د عمان په پلازمینې مسقط کې د ایران او امریکا د خبرو اترو له نوې پړاو سره په هممهاله توګه ترسره کیږي.
د ایران او امریکا د اتومي خبرو اترو نوي پړاو د جمعې په ورځ په مسقط کې د عمان د سلطنت په منځګړیتوب سره پیل شو.
د ایران او امریکا د خبرو اترو په دې پړاو کې پلاویو د خپلو نظرونو، اندیښنو او چلندونو ټولګه د عمان د بهرنیو چارو وزیر بدر بوسعیدي له لارې یو بل سره شریکه کړه.