پولیټیکو: اسرائیل د امریکایانو د ملاتړ له کمیدو سخت اندیښمن دی
پارس ټوډی- له صهیونیسټي رژیم څخه د امریکایانو د ملاتړ د پام وړ کمیدل سبب شوي چې دغه رژیم د روانو حالاتو د سختیدو په هکله سخت اندیښمن شي.
پولیټیکو نشریې په یو رپورټ کښې په امریکا کښې د صهیونیسټي رژیم د ولسي او سیاسي موقعیت د خرابیدو په وړاندې په دغه رژيم او د هغه په امریکايي ملاتړو کښې د ورځ تر بلې زیاتیدونکې اندیښنې خبر ورکړ. د محبوبیت دا کمښت د جمهوري غوښتونکو او دیموکرات ګوندونو دواړو له خوا د نیوکو د بې ساري څپې په منځ کې رامینځته شوی دی.
د راپور له مخې، صهیونیسټ رژیم، د صهیونیسټي لابیانو او سازمانونو په ملاتړ، د حیثیت د دې کمښت سره د مقابلې لپاره ځیني اقدامات پلي کوي. په دې اقداماتو کې د کانګرس له غړو سره د اړیکو د کچې لوړول، د سیاسي لګښتونو زیاتوالی او په ځانګړي توګه واشنګټن ته د اسراییلو د لومړي وزیر بنیامین نتنیاهو په راتلونکي سفر کښې د لوړې کچې غونډو تنظیمول شامل دي.
راپور وايي چې د امریکې او اسراییلو اړیکې په وروستیو لسیزو کې له خورا حساسو دورو څخه تیریږي ځکه چې د متحده ایالاتو سره تاوتریخوالی نور تر فلسطین پلوه حلقو پورې محدود نه دی بلکه د ډیموکراتانو او جمهوري غوښتونکو پراخو برخو ته هم خپور شوی دی.
دا د 100 څخه زیاتو ډیموکرات استازو په رایه کې منعکس شو چې د هغه پریکړه لیک په حق کې وه کوم چې له تل ابیب سره د پوځي مرستو د بندولو غوښتنه کوي.
