د روسيې ولسمشر له ټرمپ سره د کتنې خواهش څرګند کړ

پوټين وويل له ډونالډ ټرمپ سره کتنې او خبرو اترو ته اماده دے

د پاکستان چاپ جنګ ورځپاڼې د رپوټ له مخې د روسيې حکومت وويل د دغه هېواد ولسمشر ولاديمير پوټين وويل چې هغه د امريکې له نوي ولسمشر ډونالډ ټرامپ سره کتنې او خبرو اترو ته اماده دے.

د ماسکو د حکومت وياند ديميتري پېسکوف وويل چې دغه کتنه دومره زر امکان نه لري بلکه د دغې کتنې لپاره ورځې يا اونۍ نه بلکه مياشتې پکار دي.

هغۀ وويل چې پوټين به په راتلونکو څو ورځو کښې ټرمپ ته د مبارکۍ پېغام وليږي.