هندي ځواکونو په کشمیر کښې درې کسان ووژل

د هندوستان امنیتي ځواکونو د دغه هیواد ترکنټرول لاندې کشمیر کښې درې مخالف وسله وال ووژل.

د ایرنا د خبر له مخې دغه درې وسله وال پرون د کشمیر د اننتناګ سیمې په برنتي نومي کلي کښې د هندوستان له امنیتي ځواکونوسره په نښته کښې د ډزو له امله ووژل شول.

په کشمیر کښې د معترضانو او د هندي ځواکونو ترمینځ د نښتو په نوي پړاو کښې چې له تیر کال څخه پیل شوی، کابو دوه سوي کشمیریان وژل شوي او زرګونه نور زخمي شوي یا نیول شوي دي.