د پاکستان د حسینی اربعین دوهم کاروان ایران ته راورسید
په دغه ورځ له درستې نړۍ په میلیونونو مسلمانان د اربعین په دستورو کې د ګډون لپاره د عراق کربلا ښار ته ورځی .
د ایران د سیستان او بلوچستان د اربعین د ولسی کمیټۍ مشر رضا بختیاری له ایرنا سره په خبرو کې وویل د پاکستان ۱۱۰۰ حسینی اربعین زایرین چی د پاکستان د کوهاټ ښار اوسیدونکی دی ، د زاهدان د امام رضا علیه سلام په سرای کې ځای پر ځای شوی دی .
ده جوته کړه د پاکستان د حسینی اربعین د زیارت والو لومړنې کاروان د شورو په ورځ ایران ته رارسیدلې وو .
ښاغلی بختیاری د دې خبرې په کولو سره چی تیر کال کابو دوه ویشت زره پاکستانی زیارت وال د ایران د سیستان او بلوچستان له میرجاوې پولې ، د عراق کربلا ته لاړ وو ، اټکل وکړ د پاکستانی زایرینو شمیر کابو دیرشو زرو ته ورسی .
د ۱۴۳۹ هجری قمری کال د صفرې میاشتې شلمه چی د ۲۰۱۷ میلادی د نومبر له ۹ نیټې سره برابره ده ، د کربلا په دښته کې د شهیدانو د سردار حضرت امام حسین علیه سلام او دهغه حضرت د وفادارو یارانو د شهادت د څلویښتی ورځ ده چی په دغه ورځ له درستې نړۍ په میلیونونو مسلمانان د اربعین په دستورو کې د ګډون لپاره د عراق کربلا ښار ته ورځی .
