بریتانیا د اسرائیلورژیم په جوړولو فخر وکړ
-
انګلستان د بالفور د اعلامیې په اړه بخښنه نه غواړي .
زمونږ خبریال وای دجیمز بالفور د شرمونکی اعلامیې د خپریدا د سلمې(۱۰۰) کلیزې مراسم بیګا په لندن کښې د صهیونیسټ رژیم د سرغنو او د انګلستان د چارواکو په ګډون سره وشول او لومړۍ وزیرې میرمن ټریسا مې د اسرائیلو رژیم په رامینځته کولو کښې د لندن په رول ویاړ وکړ .
د صهیونیسټ رژیم لومړی وزیر بنیامین نتانیاهو وړمه شپه د انګلستان د لومړۍ وزیرې میرمن ټریسا مې په بلنه د بالفور د اعلامیې دخپریدا د سلمې(۱۰۰) کلیزې په مراسمو کښې دګډون لپاره لندن ته تللی دی .
دانګلستان لومړۍ وزیرې ټریسا مې د جیمز بالفور اعلامیه چې د جعلی صهیونیسټ رژیم د رامینځته کیدا سبب شوه د بریتانیه دهغه وخت د خارجه وزیر ارتور جیمز بالفور نوښت وباله .
هغې دفلسطین په ټاټوبی کښې دصیهونیسټ رژیم د نیواکګرۍ او د بالفور د اعلامیې د دفاع کولو په ترڅ کښې ادعا وکړه په دغه اعلامیې کښې د فلسطینیانو حقونه په نظر کښې نیول شوی او له دې کبله انګلستان د بالفور د اعلامیې په اړه بخښنه نه غواړی .
دصهیونیسټ رژیم له لومړی وزیر نتانیاهو د انګلستان دلومړۍ وزیرې ټریسا مې له کوربه توب سره په یو وخت دنړۍ په بیلابیلوهیوادونو کښې د بالفور داعلامیې د غندنې په مناسبت مظاهرې وشوې او مظاهره چیانو له انګلستان وغوښتل د بالفور داعلامیې په اړه د فلسطین له خلکو بخښنه وغواړی .