کشمیر کښې بیا څلور تنه وژل شوي دي

د هند ترکنټرول لاندې کشمیر کښې د بریدګرو او د هند د امنیتي ځواکونو ترمینځ نښته کښې څلور تنه وژل شوي دي.

په دغه نښته کښې چې پرون مازیګر د کشمیر په پلوامه سیمه کښې رامینځته شوه، درې برید کونکي او یو هندي پوځي وژل شوي دي.

د ۲۰۱۶ کال د جولایۍ په اتمه نیټه د هندوستان د امنیتي ځواکونو په لاس د کشمیر د حزب المجاهدین د قومندان برهان مظفر واني له وژل کیدو وروسته د دغې سیمې حالات سخت کړکیچن شوي دي.