عربستان یمن ته د مرستو د ورتلو مخه نیولی
-
دیمن په تعز ولایت کښې دحکومتي عسکرو په حملې کښې دسعودي عربستان په لسګونو ګوډګیان هلاک او یا ژوبل شول .
زمونږخبریال وايي دیمن د هوایی چلند ادارې ویندوی مازن غانم وویل دسعودی عربستان په مشرۍ ائتلاف یمن ته د انسان دوستانه مرستو د الوتونو مخه نیسی .
هغه وویل دعمان په پلازمینې مسقط کښې دیره دوه سوه (۲۰۰)مرسته رسونکی تراوسه نه دی توانیدلی دخپلو انسان دوستانه دندو د ترسره کولو لپاره پلازمینې صنعا ته راشی او د ملګروملتونو او دنړیوالو انسان دوستانه مرستو دموسسو درې سوه لس (۳۱۰)کارکونکی هم په صنعا کښې ښکیل شوی دی .
دیمن دهوایی چلند ادارې ویندوی مازن غانم وویل د روان میلادی کال د نوامبر د میاشتې له شپږمې (۶)نیټې راهسې دعربستان لخوا یمن ته دالوتکو په الوتونو بندیز نور هم زیات شوی دی .
سعودی عربستان دملګروملتونو ، د بې سرحده ډاکټرانو موسسې ، د ملګروملتونو د خواړو پروګرام او دماشومانو صندوق یونیسف الوتکو ته چې د ماشومانو د ګوزڼ واکسین ورسره دی دیمن صنعا هوایی ډګر ته د ورتلو اجازه نه ده ورکړی .
دیمن دکلابندۍ په هکله د سعودی عربستان دتیریګر ائتلاف اقدام په دغه هیواد کښې ناوړه انسانی حالات رامینځته کړی دی .
دغه راز دیمن په تعز ولایت کښې دحکومتی عسکرو په حملې کښې دسعودی عربستان په لسګونو ګوډګیان هلاک او یا ژوبل شول او ځینې کسان ونیول هم شول .