د سوریې دحلب ښار بیا رغول پیل شوی دی
-
داعش ترهګرې ډلې دسوریې حلب ښار زیات وران کړی دی او ددغه ښار په زړې برخې کښې تراوسه بریښنا او اوبه نشته .
ایرنا خبری اژانس وایی د سوریې حکومت په شمال کښې د حلب د وران شوی ښار د بیارغاونې کار پیل کړی دی .
دسوریې حکومت حاضردمه د حلب ښار د ځینو ودانیو د بیا مرمتولو کار چې له ترهګرو سره په جنګ کښې یې زیات تاوانونه لیدلی دی پیل کړی خو په دغه ښار کښې د بیا رغاونې او د ودانیود جوړولو عملیات په سستۍ سره پرمخ روان دی .
د حلب ښار د شورا غړی «ریم خانجی » وویل په دغه ښار کښې ترهګرو ودانیو ته زیات تاوانونه رسولی دی او مونږ لومړۍ د کلتوری میراث او دتاریخی ودانیو د بیا رغولوکار پیل کړی دی .
هغه وویل د حلب ښار د تاریخی ودانیو له مرمتولو وروسته د خلکو د کورونو او دبازارونو د بیا رغولو کار په ایجنډې کښې لرو .
دحلب ښار د شورا دغه غړی وویل سوریې تراوسه د ودانیو د مرمتو لپاره له هیڅ نړیوالې ادارې هیڅ مرسته نه ده ترلاسه کړی .
داعش ترهګرې ډلې دسوریې حلب ښار زیات وران کړی دی او ددغه ښار په زړې برخې کښې تراوسه بریښنا او اوبه نشته .
