سعودی عربستان په یمن حملو ته دوام ورکړی

زمونږ خبریال وایی دسعودی عربستان جنګی الوتکو بیګا دیمن په پلازمینې صنعا کښې د ولسمشرۍ په ماڼۍ او شاو خوا سیمو څلور(۴) ځله بمبارۍ وکړې او له کبله یې دخلکو کورونو او عمومی ځایونو ته تاوانونه ورسیدل .

د یمن په پلازمینې صنعا د سعودی عربستان دجنګی الوتکو الوتونه هماغه راز دوام لری .

دیمن پلازمینه صنعا  په تیرو څو ورځو کښې انصار الله ولسی غورځنګ ته د اړونده ولسی کمیټیو او له پوځ سره د پخوانی ولسمشر علی عبدالله صالح د اړونده وسله والو ډلو ترمینځ د جنګونو ډګر وه .

دعلی عبدالله صالح وسله والو ډلو په دغو جنګونو کښې دسعودی عربستان د ال سعود رژیم په هوایی حملو  او رسندوی او سیاسی او لاجیسټیکی ملاتړونو تکیه لرله .

د یمن پخوانی ولسمشر علی عبدالله صالح پرون له پلازمینې صنعا څخه مارب ولایت ته د تلو په وخت ووژل شو .