افغانستان ایران ته د غوښې د صادرولو لپاره چمتووالی څرګند کړ
د افغانستان د تجارتی چارو وزیر د افغانستان له لوري د ایرانيو شرکتونو لپاره د اسانتیاوو د برابرولو په اړه وویل: که ګډې اقتصادي چارې او پانګونې ترسره شي، نو افغانستان به پانګهوالو ته ځمکې په واک کې ورکړي.
د افغانستان د سوداګرۍ وزیر نورالدین عزیزی ، په کابل کې د ایران او افغانستان د اقتصادي پلاوو د غونډې په څنډې کې زمونږ له خبریال سره په ځانګړې مرکه کې وویل:له افغانستان څخه نورو هېوادونو ته د غوښې صادرات د سوداګرۍ وزارت له مسئولیتونو څخه دي او هر وخت چې د چرګانو او څارویو تولید ولرو، نو بیا ئې صادرولی شو
هغه زیاته کړه:موتږ ایرانيو شرکتونو ته بلنه ورکوو چې په افغانستان کې د غوښې د تولید په برخه کې پانګونه وکړي.»
عزیزی وویل: ایراني شرکتونه کولای شي د افغانستان له شرکتونو سره په ګډه د کرهڼې او مالدارۍ په برخو کې ګډې پروژې پرمخ یوسي.
هغه د افغانستان له لوري د ایرانيو شرکتونو لپاره د اسانتیاوو د برابرولو په اړه وویل: که ګډې اقتصادي چارې او پانګونې ترسره شي، نو افغانستان به پانګهوالو ته ځمکې په واک کې ورکړي.
د افغانستان د سوداګرۍ وزیر زیاته کړه:ځینې کسان شته چې غواړي د پنځوس ـ پنځوس فیصدي ونډې پراساس ګډې اقتصادي او پانګوالې کمپنۍ جوړې کړي.
هغه څرګنده کړه: که ایراني او افغان شرکتونه د مالدارۍ او څارویو د تولید په برخې کې ګډ کار وکړي، نو مونږ به وکولای شو اضافي تولیدات د ایران اسلامي جمهوریت ته صادر کړو.
