امریکا پر سوریې د توغندوي حملې پلان جوړوي
د روسیې د پوځ لوې درستیزولۍ وویل: ترهګر په سوریه کښې د یوې دروغجنې کیمیاوي حملې د ډرامې تیاري کوي څو په دمشق کښې پر حکومتي ودانیو د امریکې پراخې حملې توجیه کړي.
د ایټارټاس د رپورټ له مخې د روسیې د پوځ لوې درستیز والري ګراسیموف وویل: ماسکو د هغې ډرامې د اجرا لپاره د سوریې د حکومت د مخالفانو د پلان په هکله پوره معلومات لري چې پکښې حکومتي ځواکونه د خلکو خلاف له کیمیاوي وسلو کار اخلي.
د روسیې د پوځ دغه چارواکي زیاته کړه: د سوریې مخالفانو له نورو سیمو څخه یوشمیر ښځې، ماشومان او مشران راغونډ کړي او د ختیځې غوطه ځینو سیمو ته یې بوولي دي څو د کیمیاوي حملې د احتمالي قربانیانو په توګه ترې ګټه پورته کړي.
ګراسیموف زیاته کړه: امریکا هم نیت لري چې له دې کار وروسته او د کیمیاوي حملې په ځواب کښې په دمشق باندې توغندوي حمله وکړي. د روسیې د پوځ لوې درستیز ټینګار وکړ: د سوریې د دفاع وزارت په تاسیساتو او ودانیو او د پخلاینې په مرکز کښې زمونږ د پوځي سلاکارانو او پرسنل خلاف هر ګواښ ته به سخت غبرګون وښایو.
