دسوریې قلمون شرقی سیمه په کامل ډول ازاده شوه
-
د سوریې دبشري حقوقو څارونکي ډلې هم وویل د ترهګرو اخري کاروان وړمه ورځ له قلمون شرقي سیمې ولاړ .
زمونږ خبریال وایی دسوریې پوځ وویل د دمشق دجنوب لویدیځ په خوا کښې له الزبدانی او بیت جن رانیولی تر غوطه شرقی او دوما په شمول ټول سیمې چې په دمشق د حملو لپاره د ترهګرو ډلو اصلی مورچې ګڼل کیدلی په ترټولو کم تاوان سره او په یوازې څو میاشتو کښې دټروریسټانو له نیواک څخه ازادې شوې .
ددمشق په خوا کښې له قلمون شرقی سیمې څخه د ترهګرو او دهغوې د کورنیو وتل د سوریې دحکومت او دټروریسټانو ترمینځ د موافقې او دسوریې شمال ته د هغوې د انتقالولو پراساس تر وړمې ورځې پورې دوام درلود .
وسله والو ترهګرو له قلمون شرقی سیمې وتلو مخکې د څو راکټونو او د دیرشو(۳۰) ټانکونو په شمول درنې وسلې له ګڼ شمیر مهماتو سره یوځاې دسوریې پوځ ته وسپارلې .
د سوریې دبشری حقوقو څارونکی ډلې هم وویل د ترهګرو اخری کاروان وړمه ورځ له قلمون شرقی سیمې ولاړه او دسورې په شمال لویدیځ کښې په ادلب ولایت کښې دترکیې د فرات دډهال دعملیاتو د ځواکونو ترکنټرول سیمې ته ورسید .
