د سوریې عسکرو له ترهګرو نورې سیمې هم پاکې کړې

مهر خبری اژانس وایی دسوریې پوځیانو دترهګرو له نیواک څخه د دمشق دجنوب دپاکولو لپاره د خپلو پراخو عملیاتو په دوام کښې د «حجر الاسود» سیمې په جنوب او جنوب ختیځ کښې یوشمیر کروندې ازادې کړې .

ددغو کروندو ازادیدا له دې وروسته ترسره شول چې د سوریې دپوځ جنګی الوتکو پرون سهار په« حجر الاسود »سیمه کښې دترهګرو په مرکزونو بمبارې وکړې .

دسوریې د پلازمینې دمشق په خوا کښې په« السیده زینب» ښارګی د ترهګرو د هوان د حملو له کبله هم یوه (۱)ماشومه ژوبله شوه .

له غوطه شرقی ستراتیژیکې سیمې د ترهګرو له وتلو وروسته دسوریې پوځ دغه فرصت پیدا کړی دی چې د دمشق په جنوب کښې دیره ترهګر هم له دغه سیمې وشړی .

د سوریې عسکرو دهیواد په لویدیځ کښې د حماه ولایت دشمال په خوا کښې په ځینو سیمو او په «کفر نبوذه» ښارګې کښې دترهګرو په مرکزونو حملې وکړې .

ځینو سرچینو هم دسوریې د حکومت له شرطونو سره سم  دترهګرو ډلو له استازیو سره د روسیې دپلاوی له خبرو وروسته د حمص(Homs) ولایت په شمال کښې د وسله والو ترهګرو ډلو او د سوریې د پوځ ترمینځ د څلورویشتو(۲۴) ساعتونو په موده د اووربند د موافقې خبر ورکړ .

په سوریې کښې له ترهګرو ډلو سره ټولې مالی ، پوځی او استخباراتی مرستې سعودی عربستان ، امریکا، ترکیه ، انګلستان ، قطر ، فرانسه،  اسرائیل ،  اردن ، متحده عربی امارات،  بحرین ،کویت  او ځینې نور عرب او اروپایی هیوادونه کوی .