میرمن فیډریکا موګرینی د اټومی تړون په ساتلو ټینګار وکړ
-
اروپايي اتحادیه به له بریتانیا سره یوځاې اټومي تړون وژغوري .
فارس خبری اژانس وایی د اروپایی اتحادیې دبهرنی سیاست مشرې میرمن فیډریکا موګرینی(Federica Mogherini) پرون د نړیوالو امنیتی مطالعاتو د اروپایی فکر کوټې په غونډې کښې د اټومی تړون د ساتلو لپاره د بریتانیا او د اروپایی اتحادیې په ګډو دریځونو ټینګار وکړ .
هغې وویل اروپایی اتحادیه به له بریتانیا سره یوځاې اټومی تړون وژغوری .
موګرینی وویل له اټومی تړون دامریکا له وتلو سره سره به اروپایی اتحادیه د فرانسې، د بریتانیا او د جرمنی په ملګرتیا او غږملتیا سره دایران او دپینځه جمع یوې ډلې ترمینځ لاسلیک شوی اټومی تړون وژغوری .
د اروپایی اتحادیې دبهرنی سیاست مشرې فیډریکا موګرینی وویل د اټومی تړون په اړه د سلامشورې لپاره د بریتانیا خارجه وزیر بوریس جانسن نن بروکسل ته ورځی چې دایران له خارجه وزیر جواد ظریف سره د دریو(۳) اروپایی هیوادونو دبهرنیو چارود وزیرانو په غونډې کښې ګډون وکړی .
