ترکیې له امریکا او اسرائیلو سفیران وروبلل
-
جنوبي افریقا هم له اسرائیلو خپل سفیر بیرته وربللی دی .
زمونږ خبریال وایی ترکیې د فلسطین دخلکو پرضد د اسرائیلو له جنایت وروسته له امریکا او نیواکی فلسطین څخه خپل سفیران وروبلل . ترکیې وویل اسرائیلو او امریکا د بشریت پرضد جنایت کړی دی . جنوبی افریقا هم له اسرائیلو خپل سفیر بیرته وربللی دی .
سعودی عربستان او نور عرب هیوادونه چې د اسرائیلو او دامریکا نږدې دوستان او ملګری دی تراوسه د فلسطین دخلکو پرضد داسرائیلو دجنایت په اړه چپ دی او هیڅ خبره نه کوی .
خو کویت یوازې د ملګروملتونو د امنیت شورا دبیړنۍ غونډې دجوړیدا غوښتنه کړی ده .
دغه راز په ملګروملتونو کښې د فلسطین سفیر ریاض منصور هم په قدس کښې د امریکا دسفارت په پرانیستل کیدا د اعتراض کونکو فلسطینیانو وژلې ته په غبرګون کښې وویل که چیرې دغه جنایت په بل کوم هیواد کښې ترسره کیدلای نو امنیت شورا په چټکې سره اقدام ترسره کاوه .
هغه وویل نړیواله ټولنه باید د فلسطین دخلکو دپرون ورځې د وژلې په وړاندې چپتیا غوره نکړی .