اروپای اتحادیې د اسرائیلو ښارګیو جوړول وغاندل

اروپایی اتحادیې دفلسطین په نیواکی ټاټوبو کښې دصهیونیسټ رژیم سلطه غوښتنه او د ښارګیو دجوړولو دوام وغاند .

داروپایی اتحادیې د خارجی اړیکو شورا وویل د فلسطینیانو دکورونو د ړنګولو په سیوری کښې په لویدیځې غاړې کښې د نویو ښارګیو دجوړولو لپاره د صهیونیسټ رژیم اقدام په فلسطین کښې د دایمی شخړې او دنیواک سبب کیږی .

اروپایی اتحادیې ټینګار وکړ دغه اتحادیه په ښارګی جوړولو کښې د صهیونیسټ رژیم د بیا کتنې او له خپلو کورونو د فلسطینیانو په زوره ایستلو او یا دهغوې دکورنیو له ړنګولو او نیولو سره مخالفه ده ځکه چې دغه کار دنړیوالو قوانینو خلاف دی .

داسرائیلو رژیم د فلسطینی ځمکو په نیولو اوهلته د صهیونیسټ میشته ښارګیو په جوړولوسره د فلسطینی سیمو د جفرافیایی جوړښت دبدلولو او دغو سیمو ته دصهیونیسټی څیرې د ورکولو کوشش کوی چې په فلسطینی سیمو کښې خپله سلطه تثبیت کړی .