داسرائیلو ماتی د مسلمانانو له اتحاد سره اړه لری

ایرنا خبری اژانس وایی د سوریې دبهرنیو چارو د وزیر مرستیال فیصل مقداد() بیګا په دمشق کښې د قدس دنړیوالې ورځې د لمانځلو په دستورو کښې وویل داسرائیلو ماتی دمسلمانانو له اتحاد او پیوستون سره تړلی ده .

هغه په دغو دستورو کښې چې په دمشق کښې د ایران دسفارت لخوا ترسره شوې وویل د صهیونیسټ رژیم ژوند له ترهګرو په ملاتړ کولو سره دوام موندلی دی خو د مقاومت چورلیز ترهګرو ته دصهیونیسټ رژیم د مرستو د رسولو مخه نیولی ده .

دسوریې دخارجه وزیر مرستیال فیصل مقداد دقدس نیواکګر رژیم په سیمه کښې دیوه(۱) ناجایز او ناروا رژیم په توګه وباله کوم چې ټوله سیمه ناامنه کړی ده .

هغه حضرت امام خمینی رحمت الله علیه او د سوریې ارواښاد ولسمشر حافط اسد د دوو(۲) سترو شخصیتونو په توګه یاد کړل او ویې ویل دغو دوو(۲) شخصیتونو داسې لاره پیل کړی ده چې د اسرائیلو د له مینځه تلو لاره یې هواره کړی ده .

په سوریې کښې دایران سفیر جواد ترک ابادی هم دصهیونیسټ رژیم جوړیدل داسلامی نړۍ پرضد دیوې (۱)دسیسې په توګه وبلل .

هغه وویل ایران دسوریې دحکومت ستراتیژیک متحد دی او له تکفیری ترهګرو ډلو سره په مقابلې کښې د سوریې  د خلکو ملاتړ کوی .

په سوریې کښې دایران سفیر وویل دښمانان په سیمه کښې ددسیسې د پراخولو کوشش کوی چې مشکلات او ناامنۍ هماغه راز دوام ولری .