هند دچابهار بندر د پراختیا عملیات زر پیلوی

ایرنا خبری اژانس دهندوستان ټایمز(Hindustan Times) ورځپاڼې په قول راپور راکړی د هند د کشتۍ چلونې وزارت وویل له اټومی موافقې د امریکا له وتلو وروسته د ایران پرضد د واشنګټن دنویو بندیزونو دلګولو لپاره د امریکا له فیصلې سره سره نوی ډیلی اراده لری له راتلونکی اونۍ څخه دایران په جنوب کښې د چابهار د ستراتیژیک بندر د پراختیا عملیات پیل کړی .

د هندوستان دکشتۍ چلونې د وزارت مرستیال ګوپال کریشنا (Gopal Krishna) وویل نوی ډیلی توانیدلی دی دایران په جنوب کښې دچابهار بندر د پراختیا دعملیاتو لپاره چمتو ووسی .

له دې مخکې دهندوستان دخارجه وزارت ویاند راویش کمار(Ravish Kumar) هم دایران دچابهار بندر د ټرانزیټی موافقې په اجرا ټینګار کړی وو .

هغه ویلی وو چې د چابهار بندر پروژه باید د اټومی موافقې تر اغیز لاندې ورنشی .

هندوستان دغه هیواد ته د اسلامی ایران د ولسمشر حسن روحانی د روان میلادی کال په لومړیو کښې دسفر په وخت کښې د چابهار بندر د لومړی فاز(Phase One) د کنټرول چارې په لاس کښې واخیستې او ژمنه یې وکړه چې د دغه بندر د پراختیا عملیات د جون دمیاشتې له اولسمې(۱۷) نیټې مخکې پیل کړی .

هندوستان به  د ایران دچابهار بندر له لارې له افغانستان او دمرکزی اسیا له ستراتیژیکې سیمې سره وګنډل شی او دغه دالان(کوریډور ) انرژۍ ته د هندوستان د اړتیاو په پوره کولو کښې مهم رول لری .