هندي فوځيانو درې کشميريان ووژل
Jul 07, 2018 13:52 Asia/Kabul
د هند ترکنټرول لاندې کشمير کښې په کشميري احتجاج کونکو د هندي امنيتي ځواکوو په حمله کښې درې تنه ووژل شول.
د ايرنا د رپوټ له مخې د هند امنيتي ځواکونو د کشميريانو په خلاف د خپلو ځپونکو حملو په دوام کښې د کشمير په هورا کلي کښې په کشميري احتجاج کونکو ډزې وکړې چې له امله يې د يوې جينۍ په شمول درې تنه ووژل شول.
هندي ځواکونو همدارنګ په دغه حمله کښې يوشمېر احتجاج کونکي هم ونيول.
د هند ترکنټرول لاندې کشمير کښې حالات د ۲۰۱۶ کال د جولائۍ له اتمې نېټې راهسې د حزب المجاهدين د قوماندان برهان مظفر واني په وژل کېدو سره خراب شوي دي او په دې موده کښې په کشميري احتجاج کونکو د هند د امنيتي ځواکونو د حملو له کبله په سلګونو کشيمريان وژل شوي او په زرګونو نور ژوبل شوي او نيول شوي دي.
ټیګونه
